衛詩雅（Michelle）將於本周日（16日）舉行婚禮，與醫美醫生兼老闆周祉安（Kenley）結婚，婚前二人到了Kenley的母校聖類斯中學及香港大學拍攝婚紗照，昨日（10日）在衛詩雅於個人頻道分享拍攝Pre-wedding的花絮影片《待嫁Mi全紀録 EP.7》。
影片開場，衛詩雅將自己比喻為校長，未婚夫是神父，指對方在家中地位比自己高，不過忍不住開腔投訴對方遲到，又斷言對方很有可能在婚禮當日遲到。Michelle毫不留情，踢爆Kenley：「我叫佢起身，佢講咗一樣嘢，我都係做唔到明星，原來做明星咁辛苦㗎！」
Kenley補充：「又要早起身，又要化妝，又要set頭！」Michelle乘機踢爆另一半：「明星係好少遲到！點解啲醫生咁鍾意遲到嘅？佢行教堂嗰日肯定會遲到，嗰一日我唔知點算！人哋得一個鐘頭。」面對未來老婆詐型，但Kenley死口唔認：「你繼上次屈我口疏，今次屈我遲到。」Michelle叫大家幫忙做證，結婚當天及行教堂時Kenley會否準時現身。
兩人去到Kenley的母校影婚紗照，Michelle問他讀書時可有幻想過自己會在這裡拍婚照？Kenley直言：「冇，女朋友都冇諗過。」被問人生最到收穫是否遇到未婚妻？他揚言：「無錯，我經常同人講識到佢係用盡我人生所有運氣，我以後唔會再中六合彩同其他獎。」Michelle踢爆對方：「但你上期有買六合彩喎！」Kenley則理直氣壯地說：「我有，所以冇中囉！」
片中主持直指，Michelle帶了些寶貴的東西來拍攝，她想了又想，低頭望望胸部才覺醒：「哦，我個MiMi呀！黐線，勁性感。今日性感造型襯我性感嘅性格！」Michelle不時低頭欣賞自己豐滿的上圍，自讚：「好犀利呀！我都係第一次見。」其後，問到Kenley於婚禮中有否驚喜表演，他說：「surprise就是沒有surprise，她很怕我做一些騎呢事。」Michelle即附和：「他們好喜歡叫新娘坐下來，突然叫老公唱著歌出來，我覺得好尷尬。」Michelle大爆陳家樂將於其婚禮唱歌。
發表完愛的宣言，Kenley就大爆Michelle瘀事：「我溫馨提示佢室內唔好玩無人機，但佢借咗聾耳陳隻耳完全冇聽到，我轉個頭佢已經玩緊，後來聽到佢大叫，原來佢畀無人機纏住咗啲頭髮，最後要用剪刀剪咗啲頭髮，又試過打邊爐整燶咗個煲，要開兩個空氣清新機去吸味。」被問到是否接受到太太是地獄廚神，Kenley笑言Michelle廚藝已有所進步不再地獄：「我唔會用地獄廚神去形容佢，煉獄啦，差一級去到天堂，祈多啲禱，佢好有心嘅，暫時煮得最好係煲湯，佢有佢媽咪嘅真傳，佢媽咪煮嘢食好叻。」
影到接近尾聲，拍了一整天的Michelle大呻好攰：「我好憎影相，人生中最唔鍾意影相，影相之中最唔鍾意婚紗相，婚紗好唔舒服，得個靚字，究竟係邊個發明影婚紗相，真係好辛苦，我又想嘔。」未婚夫即拍拍對方肩膀以安撫。未婚夫Kenley頗窩心，在旁安慰Michelle，惟她繼續撒嬌：「救命呀，影完之後想知道究竟這個世界是誰發明影婚紗相？我覺得好辛苦，然後我想嘔，好彩人生只需要結…」自知說錯話的Michelle問未婚夫：「可不可以這樣說？應該是啦，睬！」未婚夫Kenley無奈回答：「你問我？我點知你呀！」