請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

娛樂

陳健安重返母校拍新歌MV︰最青春嘅歲月都喺呢度過

明報

更新於 2023年08月31日08:03 • 發布於 2023年08月31日08:03
陳健安早前重返母校拍攝新歌《仍然是那個少年》MV。(大會提供 / 明報製圖)
陳健安早前重返母校拍攝新歌《仍然是那個少年》MV。(大會提供 / 明報製圖)
陳健安重遊母校,勾起了不少回憶。(大會提供)
陳健安重遊母校,勾起了不少回憶。(大會提供)
陳健安驚覺母校的球場變細,後來才醒覺是自己長高了。(大會提供)
陳健安驚覺母校的球場變細,後來才醒覺是自己長高了。(大會提供)
陳健安請來《全民造星V》的子熙(Hei)與王希晉(希晉)、《全民造星IV》的何洛瑤(Sica)一同拍攝新歌MV。(大會提供)
陳健安請來《全民造星V》的子熙(Hei)與王希晉(希晉)、《全民造星IV》的何洛瑤(Sica)一同拍攝新歌MV。(大會提供)

陳健安(安仔)早前重返母校「仁愛堂陳黃淑芳紀念中學」拍攝新歌《仍然是那個少年》MV,更請來《全民造星V》的子熙(Hei)與王希晉(希晉)、《全民造星IV》的何洛瑤(Sica)參與演出。安仔說︰「返母校拍攝,對我嚟講好大意義。呢首歌講青年時候嘅成長經歷,我讀咗呢間學校8年,最青春、最黃金嘅歲月都喺呢度過。」

重遊舊地,安仔想起不少回憶,特別感謝體育科老師葉Sir的悉心安排和協助。熱愛足球的他說︰「剛才問葉Sir,點解個球場好似細咗?其實冇變過,變嘅係我嘅高度,好多回憶。同首歌一樣,見番朋友或者去番一啲地方,就好似時光機咁,所有回憶返晒嚟。」談到為何邀請阿Hei、希晉和Sica演出,在MV中飾演老師「陳Sir」的安仔說:「Sica感覺好日系,呢首歌好重日系感,所以好想有佢參與,而且好喜歡佢癲癲得得嘅性格;阿Hei有種懶洋洋嘅感覺;希晉外表就似曳學生。導演Oscar認為佢哋3個夾埋會有火花。」

為配合MV拍攝,團隊將其中一個課室佈置成海洋世界,並在黑板上畫了鯨魚、海豚、水母、海星等生物及寫上「好好掛住你」,呼應上一首派台歌《好好掛住》MV中符紀男(Tiger Foo)玩鯨魚玩具的場景。安仔入課室看見立即驚喜大叫「好靚」。拍攝期間,一眾師弟妹見到安仔時十分興奮,安仔抽空與眾人聊天、合照,又鼓勵他們努力追夢。

《仍然是那個少年》由少爺占及Oscar合作填詞,安仔指少爺占形象搞笑,但筆下的歌詞有一份獨有情懷。他說︰「少爺占用字好直接,第一句已經好有佢嘅特色,『冇有怕,直衝出宇宙,兩隻腳亂闖』,『冇有怕』3隻字好直接得嚟,有種情懷喺度,所以搵佢填呢首歌好啱數,就係我心目中想要嘅感覺!」

(即時娛樂)

0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0

留言 0

沒有留言。