最近每月1號維港都會放煙火(煙火?!)，唔知大家有冇睇/覺得點，果日特登黎咗呢間新店霸位睇，唔講煙花，呢間夜景真係超靚，對住海景食蒸氣海鮮都係第一次。
長期預約困難嘅佢地，真係夠膽逆市開分店，仲要有無敵維港煙花景，仲係全港唯一日式蒸氣，新店Menu特別勁，連真 美國阿拉斯加 黎嘅長腳蟹都有，都仲未講龍蝦都有成兩款。
-
🦞阿拉斯加長腳蟹 龍蝦海鮮蒸氣刺身套餐 ($888)
一Set近20品，食齊兩種龍蝦、真阿拉斯加長腳蟹、日本生蠔、巨型帶子、加拿大象拔蚌，而且又特登加入海膽配搭，最名貴嘅海鮮都食哂咁濟。
🔹龍蝦刺身頭盤
超豐富嘅刺身盤，有齊花龍蝦、日本室津生蠔、加拿大象拔蚌、酒漬赤蝦、北海道帶子、法國銀鱈魚、赤身，最正其實係酒漬赤蝦，超入味濃郁。
🔸澳州龍蝦 (每位半隻)
🔹阿拉斯加長腳蟹 (每位2件)
呢到都係主打最頂級稀有嘅海鮮，阿拉斯加長腳蟹一定鮮甜，真係美國阿拉斯加過黎，唔係出邊俄羅斯/韓國果啲，龍蝦更加唔洗講，僅熟鮮嫩到痴線。
🔸海膽龍蝦湯蒸蛋配蟹肉
🔹海膽蘇格蘭刺身帶子 (海草配西京麵豉)
而且加入咗唔少海膽元素，呢兩款本身已經鮮甜，前者用上龍蝦湯蒸蛋，仲夾埋蟹肉，後者刺身級帶子蒸到半熟，巨型得誇張，搭埋海膽真鮮甜。
-
🔸芝士櫻花蝦鮑魚
🔹一夜干石特魚
🔸每天手打鮮製墨魚滑
🔹每天手打鮮製蝦滑
🔸日式京蔥醬油配本地地雞
🔹新鮮野菜盛合
正如上邊提到，呢間應該真係，全香港唯一嘅日式蒸氣，所以上邊咁多品調味，都加入唔少日式元素，同日本菜嘅概念一樣，突顯食材鮮味同本質。
🔸日式龍蝦黃金蟹雜炊
全部海鮮嘅精華滴哂入粥底，而且仲加入龍蝦頭、阿拉斯加蟹嘅蟹膏，邊食邊熬煮咗成晚，可想而知幾咁鮮甜。
🔹日式甜品 (慶祝紀念有畫碟)
🍹自家製洛神花茶 (另叫)
呢到仲有唔少特飲，值得一提嘅係，洛神花茶都係自己煲製，連粒冰都特別霸氣(睇睇片尾)。
-
天空虎嘯 @sky_koshuo
🗺️天后電氣道68號金輪天地26樓
📞6190 5507
❇️除咗海景位，出邊仲有露台打卡，蒸海鮮嘅時候/前後可以出去Chill下！每月1號仲可以望下煙花(火?!)。
▼Follow foodiegogoooo
Instagram: https://www.instagram.com/foodiegogoooo/