藝人李佳芯在將軍澳電視城為新劇《殺手》宣傳，劇集首集播錄得七天跨平台總收視最高29.6點，有193萬觀眾棒場。李佳芯 指劇集已經拍了兩年有不少場面已經忘記了，印象中稍後有掟飛鏢殺人的場面。
講到劇中李佳芯的「爆炸頭」大受網民歡迎，她笑說：「觀眾好似鍾意同我唱反調咁，我愈話唔好啲人就愈鍾意，我驚留呢個爆炸頭會嫁唔出。（男友唔鍾意你爆炸頭？）唔係，我都冇問佢鍾唔鍾意，不過，連陳豪都讚好叫我保留呢個爆炸頭髮型。」
李佳芯原本計劃在書展推出新書，但因疫情書展延期，她說：「依家諗緊變陣，本書下星期書局有得賣，簽名會就要等疫情好轉。（喺每本書上送香吻？）我覺得好變態，我冇咁嘅自信會覺得啲人好想收到，哈哈。」
講到《兒科醫生》（前名︰兒童醫院）一角由張寶兒頂替？她說：「未聽過會拍呢套劇，冇人搵過我，唔知係咪易角。自己聽過八月中會開新劇，已經見過監製，不過唔公布，都唔係由我公布。」
李佳芯被指與男友陳炳銓搬入西貢千萬獨立屋求轉運，她否認已置業說，希望兩年內可以買樓。
東網網站 : https://on.cc/
東網Facebook專頁 : https://www.facebook.com/onccnews/