林峯、劉俊謙、胡子彤、張文傑及伍允龍等今日（24日）在沙田出席《九龍城寨之圍城》慈善首映。林峯、劉俊謙、胡子彤和張文傑四人因戲結為好友，組成「Kowloon 4」。林峯指拍攝前演員提前一個月練習體能，同好多人對打，雖然辛苦但值得。劉俊謙戲中好多武打又揸電單車，他講笑：「電影全部是假，我真實係唔勁。」胡子彤最尾一場打戲嘴角受傷要縫14針，被封「嘴爆哥」，張文傑亦表示自己角色好悲慘。
對於不少網友都大讚林峯表現出色可憑此電影角逐下屆金像獎，林峯表示：「今次付出好大，（有信心角逐金像獎？）我未去過金像獎，起碼大家有留意到。」笑言也有偷睇網上留言，見觀眾都是一面倒的好評。劉俊謙專程從台灣趕回港出席首映，笑指被其他三人埋怨經常三缺一，不過之後都會參與謝票，對票房則順其自然，表示已盡了力，但因第一次拍動作片好辛苦，要向伍允龍學習。
而功夫了得的伍允龍笑言戲中沒有留手，覺得就住打便不好看。提到其中一場伍允龍一對4戲份，大家連打廿多小時，劉俊謙爆伍允龍打到暈低，伏在他腳下，林峯取笑伍允龍是方法演技，伍允龍笑稱自己是打到缺氧，暈了幾秒，不過今次飾演反派覺得好玩，又讚林峯和劉俊謙打得好好。問劉俊謙能打低伍允龍是否好開心？他笑指內心有少少開心，「佢咁爆功夫底。」
問到林峯和劉俊謙日後可會再挑戰打戲？林峯直言：「乜都想試，乜都想學。」劉俊謙亦和應：「自己無武打基礎，今次多得兄弟幫忙，希望日後再拍，唔好再扮識，真係要學打。」另外黃德斌亦為電影苦練虎鶴雙形拳，指角色雖然是反派，但有內心情感相當豐富。
東網網站 : https://on.cc/東網Facebook專頁 : https://www.facebook.com/onccnews/
留言 0