香港好去處｜尖沙咀HUE 180度維港海景餐廳
呢間位於尖沙咀藝術館內主打澳洲菜的餐廳，差不多全店每一個位都可飽覽180度無敵維港景，最近餐廳就推出全新五道海景慶祝菜單。慶祝菜單首先以雞尾酒打響頭炮，調酒師會推出雞尾酒餐車係客人面前即場調配，超有儀式感！另提供兩款前菜、主菜及兩款甜品。主菜更可選威靈頓澳洲有機Clayton牛柳或帝皇三文魚。當中澳洲牛柳威靈頓肉質厚實、入口軟腍而且牛味濃郁。甜品方面開心果夾心蛋糕，入口超有開心果濃郁味道。最後更會貼心提供即影即有相片留念，慶祝一流。
▲藍鰭吞拿魚刺身配上溫室番茄、檸汁醃魷魚、手指青檸、青草醬及番茄紫蘇油醋汁。味道清爽帶點微酸，非常開胃。
▲帶子配澳洲南瓜蓉、南瓜籽油及開心果。帶子鮮甜而南瓜蓉配開心果粒味道層次分明。
▲意大利Ricotta芝士寬帶麵，麵中間包滿羊奶芝士，另外再灑上芝士碎令每一口都充滿芝士味。
▲魚子醬雪糕(+110)，香滑橄欖油雪糕加入N25魚子醬、幼細香蔥、醬油漬生蛋黃和脆脆。入口清爽非常適合清一下味雷。
▲澳洲Clayton有機威靈頓牛柳，外層酥皮烤得香脆，牛柳肉質厚實但入口軟腍而且牛味濃郁。牛柳和酥皮中間夾著蘑菇蓉、鴨肝醬、菠菜配牛骨髓汁，令牛味更濃郁。
▲蛋白脆餅加入浸漬車厘子、檸檬香蜂草、馬鞭草。入口即化仲好脆身。
▲開心果夾心蛋糕，鬆軟開心果蛋糕配開心果白朱古力醬、開心果忌廉、杏脯啫喱。每一層都充滿開心果味，非常濃郁。
HUE Dining
地址：尖沙咀梳士巴利道10號香港藝術館1樓平台
電話：35005888
五道菜海景慶祝盛晏：
星期日至四$1280/人；星期五、六及公眾假期$1380/人
文字：香港人遊香港
留言 0