馮允謙床上攬實亂摷！Hillary：每次Cut機都要執一次

馮允謙（Jay Fung）新歌《報復式浪漫》邀請到《膠戰》女神劉沛蘅（Hillary）擔任女主角，Jay Fung在床上亂摷Hillary，又喪講百句I Love You示愛，鏡頭前後打情罵俏，現場充滿粉紅色浪漫泡泡。

攬實IG有23萬followers 的女神Hillary，Jay Fung坦言超級緊張，說：「有一場戲我攬住Hillary喺床上談情，好Sweet好浪漫，但我唔知隻手放喺邊度好，唔敢亂擺又怕摸錯地方，於是就放喺佢個頭上。」Hillary哈哈大笑說：「你係咁摷亂我個頭，每次Cut機都要執一次。」

Jay Fung擔心Hillary的粉絲會呷醋：「我怕你嘅Fans睇到MV後，覺得Jay Fung好咸濕，希望佢哋唔好嬲我。」Hillary向他派定心丸：「我哋飾演熱戀中情侶，梗係盡情浪漫啦！」Hillary在MV中飾演一名控制狂女友，不但鎖住Jay Fung在屋企，還迫他穿情侶裝、手機殼、Wallpaper，甚至躲在床下底監視男友，非常誇張。

Jay Fung應導演要求，以不同層次向Hillary講「I Love You」示愛，Hillary不停搖頭裝聾，要他講完又講。前後足足講了百次「I Love You」，Jay Fung和Hillary都笑言打破人生中示愛和被示愛的紀錄，他們說：「無論有沒有情人，只要好想有Sweet嘅感覺，就可以日日重覆睇呢個MV，睇我哋好變態咁互相用浪漫報復對方！」

Jay Fung透露和Hillary一早在IG已相識，第一次傳短訊給她時更串錯英文名：「好瘀，所以搵佢拍MV賠罪。」Jay認真地說：「睇佢個樣咁Sweet，就知好啱呢首歌啦！其實我一直都好想同Hillary合作，後來知道原來我哋係同公司，所以就大膽要求請佢拍MV。」Hillary聞言心花怒放地說：「真係你要求搵我？好開心。我好鍾意你嘅歌，公司話我知同你拍MV，我勁開心！」