歌手彭家麗（Angela）今日（17日）接受訪問，透露整籌備新歌，並邀請了一位創作女歌手幫忙填詞，談到她早前接受電台訪問時，主持人有意向她介紹男友一事，她笑稱自己也算「外貌協會」會員，她説：「好多朋友都話想介紹男仔畀我，但我會叫佢哋畀相我睇咗先。」
談到擇偶條件，她透露多年來都只有一個，就是專一：「多年前曾經試過異地戀，我哋每日有通電話，但有日佢好奇怪不停催我收線，我又隱約聽到把女仔聲，當時以為Jam線不以為意，但結果有一日當我打畀佢嗰陣，個女仔搶咗個電話嚟聽仲不停鬧我。」
她表示分手直至多年後才與前男友再聯絡，得知他們只維持了3個月便分手，而男方亦未有再拍拖：「佢同我講，話搵唔到一個好過我嘅就唔再拍拖。」她享受現在自由自在，但都會想有個人陪伴，坦言一切隨緣：「我希望再拍拖就以結婚為目標，若果有人追會同佢講畀啲時間大家慢慢觀察，真係啱先開始。」
東網網站 : https://on.cc/東網Facebook專頁 : https://www.facebook.com/onccnews/
留言 0