阿根廷教練普捷天奴最近接受西班牙傳媒馬卡報訪問，普捷天奴係訪問入面表示教巴黎聖日耳門絕對唔容易。
普捷天奴就話「呢度成班球員有唔同性格同埋天賦，呢種情況只會出現係PSG巴黎呢隊球隊。事實上，建立一種踢法係需要時間，當你成班球員踢完美洲國家盃、歐洲國家盃，帶住傷病返到嚟，而我哋仲可以發現球隊有9或者10位球員係唔同國家隊隊長，所以教PSG真係好大挑戰。我覺得呢個經歷令人一世難忘，因為喺呢個世界根本就唔會再發生。」
普捷天奴仲話「依家有咗一年經驗，成班球員已經知道點樣表現同埋有咩空間可以進攻。而PSG最有天賦嗰位球員係最遲先至嚟到球隊，我哋要去到今年1月、2月先至可以連續訓練三日。」
最後普捷天奴被問到做PSG係咪好唔容易，肥普就話「我完全同意，尤其係大家都看唔起教練工作。而最重要嘅係當我哋贏波嗰陣，就會歸功於球員天賦，如果我哋輸波，就會係教練嘅錯誤。」
▼ Follow 足球仔
Instagram: https://www.instagram.com/football.jai/