人有三急，職業司機體驗猶深，但亦不應隨處解決！網上流傳兩條的哥在隧道管道落車「小解」的車Cam片，顯示在昨日(28日)09時30分，據報現場在將藍隧道管道內，片頭見快線車輛正緩慢行駛，其中一輛的士突然切入慢線停下，年約40歲的哥落車，並橫越快線，再行上約半米高石壆，在緊急通道出口旁「小解」，片段亦到此為止。的哥舉動被途經車輛前後車Cam拍下。
網民紛紛留言，有人對的哥表示體諒「覺得無必要取笑，職業司機好多時真係落車機會都無」，有網民則回應「您(你)既(嘅)接受能力都幾高。揸車可以去油站，可以去公共屋邨廁所」，亦有網民叫片主「影住駕比2(兩)個衞生暑(署)及運輸暑(署)會收到2(兩)個罰款」、「1823，告得入」、有人則問的哥「隧道好長？幾分鐘忍唔住？」、另有網民替的哥解說「因為泊街去廁所分分鐘抄$320」。
東網網站 : https://on.cc/東網Facebook專頁 : https://www.facebook.com/onccnews/