台灣女星徐熙媛（大S）閃嫁韓星具俊曄，老公今日（20日）凌晨隔離10日期滿，即刻轉去大S豪宅進行7日自主管理。姐夫出關，估唔到大S妹妹徐熙娣（小S）出人又出力，除咗搵自己助手去協助具俊曄「轉場」，小S深夜又晒出一段熱舞模仿影片，高喊：「姐夫，小姨子以這支舞歡迎你」模仿姐夫組合、韓團酷龍代表作《Bing Bing Bing》，佢仲拎保鮮紙包頭扮光頭，非常搞笑，睇嚟具俊曄已經成功收買姨仔心。
而今日小S被問及大S有咩心情，佢就話：「不好意思，有關大S的心情，我不方便代她回應。（會帶具俊曄到台灣哪些地方？）目前還沒有想到要帶他去哪裏或多遠的地方，但他喜歡吃麻辣鍋，一開始應該會以麻辣鍋招待他。」
東網網站 : https://on.cc/東網Facebook專頁 : https://www.facebook.com/onccnews/