藝人鍾嘉欣(Linda)2015年同脊醫Jeremy Leung結婚,之後佢大部分時間都係留加國湊三個小朋友,早於結婚初期,就有指鍾嘉欣搬入老公位於溫西克里斯岱爾區(Kerrisdale)、面積達4,000呎的兩層高獨立屋,尋日(15日)佢公開廚房環境,極寬敞愛巢再次曝光!
鍾嘉欣身住物業估值約1,700萬港元,當時登記老公名下;獨立屋所在小區環境清幽,鄰近有公園、高爾夫球場,區內有知名中、小學,包括全省排名第四私立小學Crofton House女校、連續多年排名第一私立女校York House,豪宅區必備條件有齊晒。鍾嘉欣新相就晒出,巨型廚房,備有多部蒸、焗爐具,在家炮製大餐招呼親友都無難度。鍾嘉欣過往又晒過室內環境,有樓梯方便上落,寬敞客廳可擺放巨型聖誕樹,又有大壁爐。二樓露台就遠眺成個社區,小朋友又可以喺露台玩,空間感十足。
佢留言:「知足是一個人最大的幸福,知道自己想要啲乜嘢,不被物質困惑,才會體會到真正快樂。感恩當下,祝大家感恩節快樂!」
東網網站 : https://on.cc/東網Facebook專頁 : https://www.facebook.com/onccnews/
留言 3
小玩意
住4000呎豪宅之後講不被物質困惑,才會體會到真正快樂
一家返香港住下李渣超新創作’簡樸房’先啦 😂
6小時前
I’m Who I’m
「知足是一個人最大的幸福,知道自己想要啲乜嘢,不被物質困惑,才會體會到真正快樂。」
知足是一個人最大的幸福,知道自己想要啲乜嘢,才會體會到真正快樂。
哈哈自打嘴巴,佢唔寫不被物質困惑會好好多,虛偽到呢😅
5小時前
Chu Bee
虔誠嘅基督教徒帶球嫁人👍🏻而且人美心善仲要不受物質困惑👍🏻 真係好真誠好暖心!
1小時前
顯示全部