被指當年掌摑陳法蓉　李麗珍澄清與王晶冇拍過拖︰有就唔止拍一兩套啦

王晶最近在YouTube拍片提到2000年前拍劇的女星爭寵，然後演變成掌摑事件，網民估計兩位女主角分別是亞視劇集《美麗傳說》主角陳法蓉與李麗珍，今晚（10日）李麗珍出席主演電影《望月》首映禮，被問到王晶暗示兩人曾短暫交往，她反擊指：「如果有同佢交往過，我唔只同佢拍一兩套戲啦，係咪？」她又提到不需要特別澄清相關事件。

李麗珍今日出席電影《望月》首映，被問起王晶重提當年掌摑事件，她首先簡單回答：「其實都過咗咁多年，套戲係要好多宣傳，我到而家其實都唔係好清楚係乜嘢一回事囉，如果你知再話返我知。」對於王晶又暗示曾與其中一位女主角曾經短暫交往，李麗珍亦反擊：「如果有同佢交往過，我唔只同佢拍一兩套戲啦，係咪？」說罷後輕輕提到：「都係唔好亂講嘢。」李麗珍直言，現在不需要特別澄清，網民亦無特別關心自己舊事，將話題提到新片身上，為今次角色增肥，又指網民叫她不要再變肥。

不少網民就王晶節目中的言論，推測事件主角是陳法蓉和李麗珍。事實上，陳法蓉亦曾經在2010年《志雲飯局》中親揭「掌摑事件」另有內情。陳法蓉指，當年《美麗傳說》是自己演藝生涯第一套「飛紙仔劇」，所有演員都要在化妝室等候安排。而陳法蓉就記得有一日當自己忙於拍攝多個場口，終於等到放飯時，突然有位女演員衝進化妝室：「突然衝咗入嚟，好快嚟到我面前，想伸手打人，講咗句唔知乜『黐脷筋』」。

陳法蓉憶述，當時情況混亂，自己只記得有三至四個工作人員，齊手將打人的女演員捧出去，不過該位女演員並不罷休：「但係佢仲想搵腳踢我」。當年訪問與掌摑事件相距9年，陳法蓉重提當日經歷，她一邊哽咽一邊解釋： 「點解我會可以而家講番出嚟，係因為我覺得件事已經好耐好耐，我都已經長大咗。我覺得如果呢件事唔去講留出嚟，我會覺得喺我心入面留陰影。因為有好多個版本都講到好似係我工作態度有問題，或者係我有錯。」 雖然陳法蓉沒有開名，但大部分網民都猜測打人的女演員為同劇演員李麗珍。

王晶近日自爆當日掌摑內幕之前，網上對於李麗珍打陳法蓉的說法，流傳出多個版本，有指當時陳法蓉和李麗珍因爭戲份而交惡，二人早存心病，亦有指陳法蓉拍劇期間經常遲到，對工作人員不禮貌，李麗珍看不過眼才出手教訓她。

李麗珍與王晶合作的作品，包括《鬼馬飛人》、《笑俠楚留香》、《古惑女之決戰江湖》，以及與舒淇合演的三級片《玉蒲團2之玉女心經》等。