1. 跑步年資？為什麼開始跑步？
2017 年 3 月嘅一個早上，其實無乜特別原因，只係覺得身體比以前差，忽然覺得要試吓落街跑步，由街頭跑到街尾，起初 3 km 都跑唔到。然後咪慢慢嚟啦，就係咁，10K、半馬、全馬，開始咗我呢個跑步人生，轉眼就 7 年啦。
2. 有沒有跟跑會或教練跑？選擇原因？
我係一個自學跑者，沒有跑會，也沒有教練。不過會經常參加 Nike Run Club 活動，對 NRC 有種情意結，因喺 2019 年完成初馬係全靠 NRC 定期練習先能夠達成。
每次遇到唔同跑者及教練，我都會爭取機會同佢哋一齊跑，並會留意佢哋嘅跑姿，聽佢哋提出嘅建議意見，全力學習。因為我知道冇一套方式係配合晒每一個跑者，所以我會不停學習及嘗試，使自己能夠保持長跑長有嘅狀態。
我跑步理念就係唔受傷，就當贏，長跑長有，以跑會友，可以不停跑就係我嘅理想跑步方式。
3. 最深刻的一場賽事？原因？
賽事，實在跑了好多，最深刻嘅係 2021 年筆記環香港大滿貫。疫情其間，當時冇任何賽事，正係一個極好嘅時機，可以用自己雙腳跑咗400多公里，最高興可以用自己雙腳去感受香港，係一直以來未試過嘅。
4. 跑步對人生有沒有幫助/改變？
跑步對人生最大嘅得益真係有唔少，跑步後對做每一件事正面咗，充滿正能量，同時比以往更懂得享受過程。同時，更會影響到身邊嘅人，大家也亦會從我身上感受到跑步帶來嘅好處。另外，喺工作上會更有信心去完成更多不可能的任務。
5. 見你日常跑步路線是跑機場，是因為附近工作還是家住東涌，路線有什麼特別？
因為我係北大嶼山跑者，記得更有人稱我係 Legend of North Lantau 😬。東涌、機場、大澳、鳳凰、大東、昂坪、梅窩、貝澳，我也會經常出現。
其中一條主打路線就係東澳步道，這路線春夏秋冬，四季分明，而且全程更有樹蔭，係一條冬暖夏涼天然跑步路線。
春天翠綠花香，蝴蝶圍住你跑；夏天有本地荔枝，秋天黃葉滿地，冬天溫暖紅日。由東涌輕鬆跑入大澳，飲洛神花茶，食茶粿沙翁。
6. 有沒有跑步傷患？如何處理？
受傷當然有，那有一個跑步未曾受傷？
在受傷日子，通常會改變訓練方式，利用跑走或游水方法，保持練習。對每次受傷，也會覺得是重要的一課。
因為要了解原因，同樣錯誤不能再發生，沒有比長跑長有更重要。
最近一次肋骨受傷，嚴重影響跑步表現，當然點都要去比賽，這次更了解到自己，跑步已經是生活一部份。
7. 有沒有因為跑步而放棄了其他運動？
因為跑步已用了好多時間，自然會少咗游水，身邊老友記又叫一齊踩單車，有教練搵我一齊玩獨木舟，真係分唔到身，所以選擇咗路跑山跑。不過無所謂，運動最重要係享受過程，享受安多芬帶來嘅歡樂感。
8. 跑步聽什麼歌？
back number、milet、MIRROR、COLLAR、YOASOBI、Taylor Swift…輕快、舒情嘅歌曲，我覺得最適合跑步。不過都試過一場全馬只聽一隻歌，當然支持香港創作，就係〈我與安多芬〉。
9. 跑步途中會想什麼?
Me time。 城市生活，其實好難得有一個人嘅時間，怎能錯過享受呢一刻？
10. 最想到外國哪裏跑馬拉松？
東京馬拉松在 2023 年完成咗，仲有五粒星未攞到，正在努力抽奬中，暫時最想跑係倫敦馬拉松。
11. 海外馬跟香港馬的分別？
曾經跑過一場海外馬，係紐西蘭奧克蘭馬，呢場比賽印象好深刻，喺跑入補水站時，當地人會熱情大叫「Ben, Proud of you！」
因這場賽事較少香港人跑，喺賽道上大家對我都熱情招呼，更不時同我傾計，一場馬拉松有成 100 張相片，嗰種感覺及回憶，無價。同時，更睇到紐西蘭當地人就算跑馬拉松亦有住極好嘅環保意識，喺補水站就算跑得幾快，都會盡力將水杯放好，方便回收。
12. 影相最鍾意擺的姿勢？要附照片
睇相啦，唔講啦，哈！
最後一題，有什麼社交媒體可以找到你？
IG: benso888
FB: benso888
FB: Ben跑日誌 Ben Run Log
Please follow Insports Hub on Facebook & Instagram
https://insports-hub.com/
FB
https://www.facebook.com/insportshub
IG
https://www.instagram.com/insportshub/
留言 0