41歲的中法名模Amanda S.去年推出全新甜品品牌，售賣自創的千層酥Ooonut，反應唔錯，但做甜品係辛苦錢，所以除咗繼續接Model Job外，今年亦進軍KOL界，廚藝了得嘅Amanda S.仲開YouTube頻道，不過佢個頻道開咗3個月只係Po得兩段片，訂閱人數得268人，以KOL嚟講非常唔合格。
為咗吸客，Amanda S.就係IG吹雞，公告今日(8號)會有新嘅滑水短片推出，要Sell嘢當然要做啲嘢，例如Po性感滑水相，見佢着住綠色三點式泳衣，半點多餘脂肪都冇，以41歲嚟講，仲要係混血，Keep得相當唔錯，睇嚟之後訂閱者應該會多返啲。