MIRROR成員陳卓賢（Ian）今午（16日）在社交網貼出幾張照片，包括煎蛋照、渠蓋、錄音室設備及日落照等，但就沒有他本人靚仔相，「頭號Hellosss（粉絲暱稱）」兼好友江𤒹生（AK）又搶先留言成功，他搞笑稱：「有隻蛋仲見到臍帶。」至於張敬軒亦有留言：「中學生校際攝影大賽。」Ian亦有覆軒仔：「😂😂😂😂😂😂😂優異獎㗎 掂唔掂？」軒仔接着反問Ian：「想問下陳老師，優異個位喺邊度…. #唔好答係個人度 #我哋淨係講攝影。」Ian則答他：「err…我又真係答唔出，有無同學仔幫下手？」
（即時娛樂）
