請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

娛樂

網友偶遇明星實錄︱張敬軒竟然變咗容祖兒助手

on.cc 東網

更新於 2021年07月12日16:03 • 發布於 2021年07月12日16:03 • on.cc 東網
張敬軒被封最親民嘅藝人。
張敬軒被封最親民嘅藝人。
張敬軒好受網友觀迎,成日都被集郵!
張敬軒好受網友觀迎,成日都被集郵!
「姨姨」話有網友想同祖兒合照嗰陣...
「姨姨」話有網友想同祖兒合照嗰陣…
祖兒遞咗部機畀佢戴黑超嘅助手。
祖兒遞咗部機畀佢戴黑超嘅助手。
點知嗰個戴黑超嘅助手原來係張敬軒。
點知嗰個戴黑超嘅助手原來係張敬軒。
容祖兒同張敬軒向來老友。
容祖兒同張敬軒向來老友。

歌手張敬軒向來都好留意時下大熱嘅網絡紅人,早排佢就同粉絲眾多嘅網上頻道「熊仔頭」合作,將自己第三首主打歌《重頭開始》,成為「熊仔頭」網上電影《暗戀》嘅主題曲,立刻成為網民熱話!尋日有另一個網上頻道「肥姨姨」,發布咗一條片叫《觀眾私下撞見實錄 爆料明星生活百態 隔空對喊張敬軒出嚟!》,咩事要張敬軒出嚟?

片中兩位KOL「姨姨」同「囂張」話想知道藝人最真實嘅一面,仲話收集咗好多網民同明星嘅合照,當中最多嘅係張敬軒,「姨姨」話最好人最親民嘅藝人,一定係張敬軒!「姨姨」話有次見張敬軒網上開Live,就即刻狂留言:「點知張敬軒見到就話:『肥姨姨你get ready啦!我想同你開Live!』」

「姨姨」話當時估唔到對方咁覆,即刻嚇到手忙腳亂,仲打瀉咗個蠟燭,爭啲火燭!「囂張」追問有冇合作開Live時,「姨姨」即刻搞笑地大叫:「張敬軒同我出嚟!做咩唔覆我dm(direct message)?大家幫我推張敬軒出嚟!」

張敬軒幫手影相

雖然「姨姨」話張敬軒未「找數」,不過佢覺得對方好人兼親民,因為一件真人真事:「有人去名店買嘢見到容祖兒,走埋去問可唔可以合照,然後將部相機遞咗畀佢戴黑超嘅助手,影完之後佢抬頭一望,原來揸機嗰個係張敬軒!張敬軒同人影相就見得多,有冇見過張敬軒幫人影相?」

好多網民真係幫手推片,仲話張敬軒向來係「找數軒」,話佢講得出一定做得到,同時又有唔少網民分享撞到張敬軒嘅經歷:「張敬軒好玩得!喺街見到佢,佢會同你影相同傾吓偈!」、「張生依家係一線歌手,但佢冇大歌手嘅架子,佢好好人同你傾偈!」、「皇上好親民!唔會扮嘢!我衝埋去同佢影相,佢仲叫我唔好心急,慢慢嚟!」

東網網站 : https://on.cc/

東網Facebook專頁 : https://www.facebook.com/onccnews/

0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0

留言 0

沒有留言。