內地女星吳謹言兩周前宣布同《延禧攻略》合作嘅內地男星洪堯成婚，更被瘋傳有喜肚凸凸。吳謹言今年憑內地劇《墨雨雲間》翻紅，自開播以來，就傳出佢同劇中男主角、細佢12年嘅王星越撻着，二人亦大組CP成日情侶檔現身，如今女神結婚了，新郎唔係王星越，即令唔少CP粉嬲到着火。估唔到劇集6月已經播完，尋日（24日）劇組先嚟搞慶功宴，網上即流出大合照，見吳謹言以長西裝外套上陣，不過入面件背心及褲頭就似要隨時逼爆，隱約仲見到疑似孕肚。
當中佢同王星越中間再隔住監製于正，同早前Sell CP時頭貼頭攬住合照嘅情況唔同晒，即被CP粉冷嘲：「可能是我幾個月前最期待的照片之一，現在來看，心裏好像沒有一點波瀾」、「浪費我的流量，如今看都不想看一眼」、「于正這會兒知道站中間了」。
東網網站 : https://on.cc/東網Facebook專頁 : https://www.facebook.com/onccnews/
留言 0