請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

梁靖琪做月餅藏私心 調教老公最鍾意口味 「七魔女」第一時間落單

自從升呢做了「媽媽」,梁靖琪Toby為了照顧兩位小朋友已耗盡個人時間,暫時難以接拍劇集,不過追夢還是可以的,她今次就變身整餅師,試下整月餅,她說:「我好鍾意煮嘢食,不如試一試做月餅,我一向好重視家庭聚會,中秋呢啲節日傳統上都是一家人團圓食飯,切月餅開開心心,成個感覺好好,於是就拍板做。」
不過Toby今次都有顆暖暖的「私心」,因為她的Daddy梁家樹好鍾意食月餅,但又有糖尿,而老爺同奶奶嗜甜食,但年紀唔細,所以想做些著重健康材料月餅,於是用海藻糖代替白糖,令糖份減半與家人一齊分享。

除了孝順父母同老爺奶奶,Toby也不忘氹老公開心,調教老公最鍾意的口味,「老公好鍾意斑蘭味蛋糕,所以我提議月餅師傳不如試吓做呢隻味,點知效果出嚟真係perfect match。」Toby今次揀選跟有逾七十年歷史的文樂園合作,一來老字號,二來之前曾經合作,值得信賴。

老公鍾意班蘭蛋糕,老婆立即研製班蘭蛋糕咪月餅。

今次Toby做生招牌,好姊妹「七魔女」可有第一時間「落單」支持?Toby笑說:「有呀!她們好支持,打了支強心針,不過今次始終係第一次,只係想試吓,唔係推出好多,所以我叫佢哋唔好訂咁多。」

「七魔女」每逢節日都相聚,今次梁靖琪做月餅,當然要支持,立即落單。

查看原始文章