42歲楊茜堯（前名：楊怡）同老公羅子溢 (前名︰羅仲謙 )結婚五年，去年4月升呢做人爸爸媽媽，誕下寶貝女「小珍珠」羅翊心，去到今日有傳楊茜堯昨日秘密為老公生B，誕下男嬰，同囡囡湊成個「好」字。
其實楊茜堯之前陀囡囡的時候都非常保密，兩公婆上年2月宣佈有喜，4月就已經生B，今次楊茜堯亦未有透露過自己再度陀B，據悉羅子溢為尊重老婆都冇公開再做爸爸，等仔仔出世才打電話向親友報喜。而羅子溢早前出席劇集宣傳活動時已經講明有意追多個會努力「造人」，如今得償所願，再翻看二人IG，今年8月30日楊茜堯慶祝42歲生日時，估計當時已經懷孕約5個月，她拍照亦刻意遮肚，兩公婆認真低調。