《第61屆亞太影展》（61st Asia Pacific Film Festival，簡稱APFF）尋日（1日）於馬來西亞吉隆坡盛大舉行，邀請到多位亞洲藝人出席，包括馬來西亞女神林明禎擔任頒獎人、香港導演陳茂賢同女星衛詩雅現身。
當中大會籌委會一致通過決定，將第61屆亞太影展終身成就獎，頒發畀縱橫香港影壇逾60年嘅武打巨星洪金寶，藉此表揚佢領導及推動香港武打動作電影嘅貢獻。另外，電影人黃百鳴獲得「亞太傑出電影人榮譽大獎」。
衛詩雅以《破．地獄》獲得最佳女主角獎，亦係佢繼第39屆華鼎獎「華語最佳影視女星」之後，再獲獎項肯定。佢上台領獎是心情有點激動，更哽咽感謝陳茂賢導演冇放棄自己，令佢入行16年後仍可繼續追夢，並提醒大家衛詩雅係一個演員。
東網網站 : https://on.cc/東網Facebook專頁 : https://www.facebook.com/onccnews/
留言 0