請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

葉巧琳新歌推實體碟 斷市後再加印 拍MV苦練動作場面致周身傷

葉巧琳為拍新歌MV而苦練不少動作場面,結果搞到周身瘀傷。(大會提供)

葉巧琳(Mischa)最近展開了年度企劃《The Odyssey of Freya》,並推出單曲《人間英靈》,MV中她化身成為北歐神話女神Freya,與一班強者對抗外敵,打到落花流水。在MV背後,Mischa苦練武打動作,近日她公開MV背後辛酸,單曲在粉絲熱烈追捧下,推出100隻實體碟火速售罄,日前再加印100隻,Mischa更親自落舖上架。

Mischa盼在MV親身上陣演出,在拍MV前,特別跟特技演員學揮劍、打鬥及吊威也等動作,讓她在鏡頭前能夠演得入型入格,不過要演出神髓,也絕不容易,Mischa每次弄得周身瘀痛。她說:「初練習用假劍時,經常要蹲低,結果大髀勁痛,打筋斗要用到腰力,又因為未係好識用力而Chok親,不過算係肌肉疲勞,同埋老師都好好,知道邊啲位會容易整親、壓到啲肉,都會特登將護墊攝喺威也會束住嘅位置,撞瘀?平時運動都有少少嘅傷啦,而且我嘅興奮大過晒所有痛楚!」Mischa透露接下來推出的MV,將不乏動作場面,她坦言要保持狀態,才能連戲,所以會繼續練功。

自《人間英靈》推出後,粉絲反應熱烈,加上由歌曲、MV、宣傳到粉絲應援物,都以打機貫穿,不少樂迷希望能擁有實體CD收藏。

Mischa所屬唱片公司特別為她推出《人間英靈》Single,並限量100隻作公開發售,想不到Single一出,瞬間售罄,更有不法之徒在網上炒貴10倍,結果唱片公司再火速加印應市。Mischa日前到唱片舖將CD上架。得到樂迷的鍾愛,Mischa興奮道:「我哋再追加100,唔會再加印!因為本身冇諗過攞出嚟賣,實體碟係要等1年之後,成個Project完成至推出專輯,但知道大家好想收藏,先至印200張出嚟。」

問到怎樣答謝粉絲,她笑說:「多啲上網同佢哋互動囉,因為係佢哋嘅反應咁踴躍,先會再追加,係完全為咗佢哋。」

(即時娛樂)

查看原始文章