紅磡拉麵小店推介　啖啖豬骨脂香　限定雞白湯｜紅磡｜豚道樂

話說因為成日一個人去日本，拉麵我真係食咗過百間，全香港嘅拉麵都冇咁多間，其實比起其他菜式，煮拉麵步驟重複又苦悶，錯一個工序又影響成煲湯，真係可能日本人性格先肯做。

呢個位一向人流唔多，如果唔係住呢頭都未必識黎，隱藏住呢間拉麵小店，主打湯底都係濃厚風格，啖啖豬骨脂香，有時仲有啲限定湯，例如今次雞白湯咁。

-
🍖原味豚骨拉麵 ($78)
呢到嘅豚骨湯都係走濃厚風，一啖就脂香填滿口腔，而且濃到麵條都掛哂湯，記得剔埋辣，辣醬拌埋落湯中和膩感，又有啲惹味咁。

🥓轉特上：豬腩肉、紫菜x2、溏心蛋半隻 (+$16)
而片中果碗就加埋特上，所以除咗慢煮豚叉燒，仲特別多咗豬腩肉叉燒，想講呢到啲叉燒真係特別出色，烤得濃郁帶焦香之餘，肥美到超邪惡。

-
🍗雞白湯拉麵 ($95)
濃厚到極嘅雞白湯，飲得出用足料湯底熬成，濃稠又呈奶白色，仲超滑超舒服，而且呢到風格特別多肉，呢碗叉燒都有兩種，有齊慢煮豚叉燒同醬油雞叉燒。

-
🥟日式餃子 (5個) ($38)
🥓蒜蜜味叉燒(腩) ($30)
雖然碗麵真係超夠飽，但都真係值得加呢兩款小食，日式餃子脆皮焦香，後者叉燒更加係必叫，蒜蜜烤到超惹味，啖啖肉又帶蜜糖甜香。

🍹靜岡抹茶可樂 ($28)
🍹山梨白桃梳打 ($28)

-
豚道樂
🗺️紅磡黃埔天地百合苑商場(第9期) 地下九號水產G2號舖
📞2394 8899

生活