【香港人勇奪《街霸》世界盃亞軍】獎金過200萬！專訪 Chris Wong：Street Fighter VI 連線好成進步關鍵│約戰日本選手、堅持全職工作、空閒健身 超自律選手生活分享

香港《街霸》選手Chris Wong殺入Capcom Cup X決賽，雖然不敵台灣選手Uma，但能在「街霸世界盃」取得亞軍已是歷史性佳績，今屆獎金更是破晒記錄，亞軍都有30萬美元(約230萬港元)！GadgetGang這次就有幸訪問到這位世二街霸好手。
雖然已是世界級選手，但Chris仍有全職IT工作，平時放工先有時間訓練，聽他分享已感受到電競同一般運動員一樣講求自律。時間管理要做好，每日訓練3至5小時，亦要健身練體能。更難得是心態管理，Chris透露訓練要訣，唔係死操難操，輸要靜思己過，睇replay、去訓練mode練習，
Chris話《街霸VI》成績比《街霸V》突發猛進，原因係《街霸VI》連線質素好，更方便同海外好手切磋提升技術，不時都會去twitter同日本選手約戰交流。
不過呢啲都係外緣因素，更重要係佢個人夠上進，訪問時真心感受到佢係一位謙虛武者，有不斷求進步既熱情，又能冷靜分析自己既步調。比着我，連線快咗都係輸多幾舖，輸咗都唔識諗自己點輸，自然冇進步。
影片出街當日，Chris剛完成了Red Bull Kumite 2024賽事，14位受邀世界級選手入面，最終打到去8強。見佢訪問都有啲眼濕濕、唔甘心，亦都睇到佢有唔服輸既精神，我相信Chris嚟緊會再創佳績。
#streetfighter6 #chriswong #luke #capcom #capcomcup #gadgetgang