「百億富三代」鍾培生與父親早前因被袁嘉敏於IG公開鬧爆，而惹來二人疑有不道德關係的傳言。其後袁嘉敏就離港赴歐洲散心，而鍾培生亦於4月底上載自己身在東京的照片，當時日本仍未通關，相信鍾培生是以商務人士身份赴日。
而近日鍾培生亦上載多條在日本拍攝的Vlog，內容都貫徹作風，分享吓富人生活啦，住吓總統套房、食貴嘢、行街血拼等，令網民非常羨慕。不過今日有報導指，原來鍾培生此行另有目的，有指他在當地有位日籍女友名叫Momona，因此疫下都要赴日見女友，更刊出鍾培生摟着女方的照片，指二人一同現身銀座等地。
睇返Momona IG大多都是分享單人相，連男性友人都少出現在其IG，莫講話男友嘞！如果戀情屬實，又真係收得幾密噃！Momona於IG自稱是室內設計師，並聲稱曾於瑞士、加拿大、英國等地留學，不過亦有傳她曾在夜店工作，以往的男女關係亦十分複雜。而她的IG不時晒出靚相，間中都有啲與友人的聚會照，有網民覺得Momona貌似松岡李那，不過都有網民認為袁嘉敏靚啲，又質疑Momona外貌有整容feel，網民隨即Po出Momona於IG分享過的童年照平反，指Momona細細個已經好靚。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
