從ViuTV選美節目《最後一屆口罩小姐選舉》出身的29歲「肥妹」李文潔(Liz),雖然最終落選,但憑着34B、24、33均勻身材,上月底火速獲睇中行內衣騷;日前播出一集《ERROR自肥企画》中,她更以三點式上陣,為阿Dee(何啟華)的自肥計劃《鹹濕荒島俏博士》擔任「小助手」,非常性感!知道大家一定唔夠喉,Liz今日再於社交網貼出泳裝Look靚相,她留言:「小助手琴(昨)晚出咗場啦😌大家覺得呢個小助手點呢?」除了火辣正面照,Liz仲開心Share埋「背多Fun」露股照,見其黃色褲仔塊布細到只遮得住股溝,一眾網民紛紛留言大讚:「好正」、「性感美女」、「好身材」等。
同場加映,仲有32C「一件頭女神」陳詩欣(Eunice),剛才她亦於社交網貼出泳裝照,不過今次唔玩一件頭Look,換上低胸比堅尼大晒3吋事業線,引到張寶兒、馬天佑及一班網友都「嘩嘩」聲!而同行還有《3日2夜》拍檔鍾晴,Eunice留言:「Staycation 影泳池相是常識吧☺️。#有人掛住三日兩夜嗎」鍾晴即Sweet爆回覆:「我比較掛住你多啲囉😂❤️」