由梅小青監製嘅《宮心計2深宮計》將於5月21日首播，係大台紀念50周年重頭劇集次一的古裝宮廷劇。當年由鄭嘉穎同佘詩曼主演嘅《宮心計》就創下最高50點收視（約318萬觀眾）嘅記錄，成為歷年TVB最高收視劇集之一。雖然呢次就無咗鄭嘉穎、佘詩曼同楊怡等陣容坐陣，但演員方面一樣有睇頭，而且陣容更鼎盛。 另外《宮心計2深宮計》各方面都唔比上一部輸蝕，有望再創經典！煲劇前先了解一下劇集有甚麼看點吧！
星級龐大陣容
演員方面呢次嚟個大換血，梅小青選擇將原來嘅主演陣容已經全部換掉，由馬浚偉、馬國明、胡定欣、劉心悠、周秀娜、陳煒、蕭正楠、黃心穎、謝雪心同羅霖等好戲之人出演。當中劉心悠同周秀娜兩大女神更加係初次加入公仔箱，相信一定會為觀眾帶嚟唔少新鮮感。
劇本落足心思
繼上一輯以「三好」為主旨，梅小青就話今次要繼續發放正能量，帶出「人善天不欺，善念修善果」嘅主題。劇中宮廷鬥爭除咗加上懸疑元素，增加追看性之外。馬浚偉、胡定欣、陳煒、馬國明、劉心悠、蕭正楠、黃心穎與周秀娜將上演連場爭權奪利、愛恨情仇嘅好戲，出浴戲同床戲更加唔少得，梅小青仲透露集劇情分別有「大龍鳳」同「小龍鳳」，吸引大家繼續煲劇。
升級製作推高畫面質素
另一監制方俊華指製作與時並進，今次採用單機拍攝，畫面控制更精細，趨向電影拍法。還有每場戲、每個鏡頭都會調色，透過顏色表達不同場景；再配合音樂、CG等效果，後期製作足足花咗10個月時間，相信畫面質感同質素都大大提高
馬明心穎情侶檔上陣
馬國明於2016年跟黃心穎合作劇集《為食神探》撻着，今次正式以情侶檔上陣拍劇。二人有劇中有感情線，喺拍攝花絮中仲見到一臉病容嘅心穎仲會含淚吻馬明！心穎仲話今次都拍得好舒服，好自然，讚男友係一個十分專業嘅對手，會帶到佢入戲添。
陳煒霸氣盡露
飾演太平公主嘅煒哥透露喺劇中因為係武則天個細女，所以角色好有霸氣。煒哥仲會同飾演李隆基嘅馬仔過唔去，而成日搞風搞雨，為咗利益奸到出汁。當中飾演皇后嘅胡定欣、羅霖、康華等都要被佢掌摑。
周秀娜宣傳「被消失」不減戲份
飾演「鄭皇后」的娜姐係女主角之一，雖然因同蕭定一嘅公司因錢銀問題鬧官司，被無綫封殺，唔止官方海報冇娜姐嘅造型照片，就連演員名單都被消失，但首次參演TVB劇集嘅娜姐就落足心機演好呢次角色喇！雖然「被消失」，但梅小青就承諾無因為咁而刪除娜姐任何戲份。馬仔仲喺社交媒體大讚娜姐演技，令「被消失」嘅娜姐不知幾感動添。
留言 1
seamkeay40
Wow that's awesome
2018年05月20日06:18
顯示全部