一年一度嘅香港書展將於今個月18日開鑼,今屆寫真集大戰亦逐一拉開序幕,早前喺《果欄中的江湖大嫂》演「惡人菊」人氣急升嘅前Freeze成員甄詠珊就為拍寫真遠赴西班牙、法國、巴塞隆拿、英國、上海等地取景,仲大玩黑絲誘惑!而日模松岡李那就回歸土炮製作,喺香港多個地點取景,包括人多擠迫嘅MK!
延伸閱讀:
甄詠珊 推處女寫真
甄詠珊喺《果欄中的江湖大嫂》演「惡人菊」,唔顧形象扮老扮惡兼扮醜,咁大犧牲終成功入屋又洗底。現實中37歲嘅甄詠珊曾組性感女團Freeze,當年以整容加隆胸上位,如今拆彈後默默耕耘,今次首度推出寫真集《惡人菊CHANGE甄詠珊》,佢就飛到歐洲嘅西班牙、法國、巴塞隆拿、英國、上海等地取景。
寫真中有甄詠珊喺巴塞隆拿沙灘影嘅水著照。
落重本搵來葉青霖的門生之一金永峯擔任攝影師。
延伸閱讀: