周柏豪IG追蹤人數一夜跌10萬　粉絲剪爛珍藏專輯

周柏豪於今年7月「反修定逃犯條例」運動進行期間，疑似在網上公開表明政治立場，除了呼籲市民投票外，更貼黑圖疑似悼念在運動中喪命的市民，即時引起內地粉絲不滿被形容為「港獨豪」，內地工作大受影響。未知是否知道「都係賺人仔要緊」，近日周柏豪就疑似「調轉槍頭」，先在Facebook表示「感激自己成為一個中國人」，之後作客陳百祥主持的節目訪問時澄清自己跟黃之鋒合照一事，表示不認識對方，又發表「孝順論」兼強調不支持暴力行為，表示害怕見到「幾十個人圍住一個人嚟打」的畫面，惹來香港網民圍插！

訪問出街之後，周柏豪的言論令不少原本喜歡他的香港粉絲感到失望，紛紛取消關注他的IG，周柏豪的IG粉絲人數由原本151萬個急跌到148萬，兩日失去3萬多名人。有粉絲為表不滿就在網上公開自己將收藏多年的周柏豪專輯及VCD剪碎的相片，更在專輯上寫上「香港唔需要你呢啲偽人」、「沒良心、沒良知偽人」、「周柏豪不了，香港人之恥」、「奶共不了」等字眼，亦有人貼出周柏豪的潮牌T恤留言：「一把火燒埋佢啦」。大批網民湧入留言：「香港沒有樂壇，只有娛樂圈，9成奶」、「冇鍾意嘅藝人就無呢個煩惱」、「個種失望程度係直頭唔想再見到呢個人」等。