於首輪擺Pose PK賽勝出的侯嘉欣、羅雪妍及謝恩靈，接着進入決賽繼續鬥擺甫士，首先三女做出「兩手拎住餸同時又聽電話」甫士，侯嘉欣擺到拗晒腰，羅雪妍就喪屍上身般冇晒表情，之後到「食到太飽令褲頭差點爆開」甫士，三女卻不約而同凸晒肚，最後到「自己係女王Pose」，侯嘉欣即一臉自信兼不停拍心口，謝恩靈則似單手托盤兼唔望鏡，羅雪妍則一隻手擺喺頭度大晒胳肋底。
主持陸浩明詢問評審們對三位佳麗評語，鄧卓殷笑指各人也表現不俗，但就較為喜歡羅雪妍的甫士，因為非常有戲，張寶兒亦讚賞羅雪妍於女王Pose及聽電話Pose均非常正，何依婷亦同樣鍾情羅雪妍，結果一致選定羅雪妍為今晚PK賽勝出者。之後陸浩明要求她於10秒內擺最有自信及體態美甫士，最終羅雪妍既撥髮、叉腰、又Cool樣兼喪笑等表情，被張寶兒大讚絕對可以做教材。
東網網站 : https://on.cc/
東網Facebook專頁 : https://www.facebook.com/onccnews/
