運動達人余曉彤（Hidy）早前為方紹聰（奶仔）及盧峻峯的網上節目《約女.Yama嗲》任嘉賓，齊齊挑戰被稱為香港第一險峰的「蚺蛇尖」。
由於當日天氣很熱，山路抖斜，仲要行足八小時，兩位主持都行到喘氣連連，兼要剥衫散熱，但Hidy竟然可以從容完成這次艱辛之旅，令奶仔相當佩服：「佢真係好犀利，行得仲快過我，呢次嘅山路真係好難行，唔少工作人員都頂唔順，仲有一個中咗暑，不過Hidy就全程好輕鬆咁行，仲話一啲都唔難。」
Hidy行山期間，跟奶仔、盧峻峯傾偈，談到戀愛經歷以及拍拖次數，Hidy表示：「三次，初戀個男朋友，我唔係太喜歡。」令盧峻峯一頭霧水，Hidy就解釋：「當時有人追，話不如開始試吓先，結果一拍拍咗四年，佢死纏爛打，又話自殺。」說到此處，Hidy想一想再說：「其實我幾次拍拖，啲男仔都係話要自殺唔畀我走。」盧峻峯忍不住問：「有乜嘢優點令佢哋咁唔捨得你？」Hidy則大笑迴避問題。
東網網站 : https://on.cc/
東網Facebook專頁 : https://www.facebook.com/onccnews/
