Ming仔跌10萬followers!捐「帛金」後重新捐$100040

娛樂 on LINE 發布於 2019年11月18日06:40 • 機
b73ae01f-3256-4fe5-a3e4-296cd7c3b17f.jpg
Ming仔今早發布捐款到星火的照片,顯示他捐了十萬零一元,被網民指是畀「帛金」,下午再重新捐$100040。

網上紅人YouTuber梁嘉銘(Ming仔)早前因為接了TVB的節目拍攝工作與網民炒大鑊。日前在facebook直播「和你傾政治 -- 我的角度」中稱自己是淺黃,但又稱警察打份工,藍黃各打五十大板,有網民呼籲退like停訂閱,兩日間facebook和youtube粉絲暴跌。Ming仔今早坐言起行開支票給星火,唯金額是$100,001,被指是畀「帛金」。

bb1e4151-0f54-4ff5-8345-5bbbe7110747.jpg
有網民質疑右圖是改圖,之後Ming仔出post證實是他本人「捐左(咗)張一蚊尾數嘅支票俾星火」。

被網民圍插後,Ming仔於下午再出post,寫道:「今朝捐左(咗)張一蚊尾數嘅支票俾星火,實屬無心之失。之前我應承咗大家會捐出show錢五陪以上,但避免直接揭露合約上show價,我加多左一蚊上去。心情太亂,冇思考清楚,入左(咗)個唔老禮嘅數目。完全理解大家嘅憤怒,我為我嘅疏忽和連番處理失當再一次誠心同大家道歉,錢已再入一次,今次現金。不求原諒,只希望遲來的綿力可以幫到有需要嘅人。」

今朝捐左張一蚊尾數嘅支票俾星火,實屬無心之失。之前我應承咗大家會捐出show錢五陪以上,但避免直接揭露合約上show價,我加多左一蚊上去。心情太亂,冇思考清楚,入左個唔老禮嘅數目。 完全理解大家嘅憤怒,我為我嘅疏忽和連番處理失當再一次誠心同大家道歉,錢已再入一次,今次現金。不求原諒,只希望遲來的綿力可以幫到有需要嘅人。

Posted by Ming仔 on Sunday, November 17, 2019

雖然捐10萬絕不是小數目,但大部分網民似乎都不收貨,留言:「我同特區政府強烈譴責Ming仔食兩家茶飯行為令人髮指」、「講大話同無賴程度同popo 一樣 已達爐火純青既(嘅)境界」、「老老實實 你可唔可以收爹?」,而邵子風更留言:「我做醜人,求Ming仔地址!」而Ming仔的Youtube followers最新走勢已由16號晚的48.6萬訂閱,跌至今日(18號)下午2時的40.6萬,相信跌穿40萬大關絕對不是夢;而facebook專頁人數則由37萬跌至截稿時的27萬。

撰文:機