香港反修訂《逃犯條例》運動由6月自今，一直未停，警民衝突更是日溢嚴重，而港台直播節目《視點31》向來勇於邀請不同人士同坐一起，討論現時香港局勢！繼早前，有朱凱迪同何君堯後，今次就請來多次為香港人發聲的杜汶澤，以及多次身體力行撐警的陳百祥（叻哥）同場舌戰，惹起網民熱烈關注！節目直播期間，最高峰有27.5萬人觀看兩位唇槍舌劍，金句爆出，現就同大家整理一下雙方的金句吧！
撰文：火星異種人｜圖片來源：《視點31》Facebook
杜汶澤、陳百祥港台對戰論港20大金句
杜汶澤：「支持開槍絕對滅絕人性！」
杜汶澤：「美國有人開槍，香港就可以開槍？！」
杜汶澤：「同你溝通真係無意思！」
杜汶澤：「伍淑清對中文理解唔係太清楚，你要放棄首先你要擁有，年輕人本身唔係佢擁有，我都唔知佢點放棄。」
杜汶澤：「我咪俾上面封殺咗！」，陳百祥即反問：「咩叫封殺呀？有封殺嘅咩？！」之後全場DEAD AIR！
杜汶澤：「我無錢都唔做護旗手啦！」
杜汶澤：「佢真係唔識㗎喎！」
杜汶澤：「如果我係佢睇法，我死咗去啦！」（對於元朗721事件）
杜汶澤：「點解香港人咁憎陳百祥，就係因為咁，因為佢覺得有人憎都冇所謂。」
杜汶澤：「我真係開始認同叻哥諗法！」
陳百祥：「我唔識你哋年青人嘅諗法，我年紀較大，可能有鴻溝！」
陳百祥：「無普通話點認識中國？年青人唔會對國家國語有深入鐘意認識」
陳百祥：「開真槍係必需，係生命垂危下，最近得把槍，唯有用槍。」
陳百祥：「警察委任證喺天下太平嗰陣，有人想知嗰個係咪警察，咁對方先拎出來俾你睇嘅！」
陳百祥：「我係亂咁講嘢，人有獨立思維，我睇係正確，警察係唯一維持治安，做咗磨心，咪撐佢哋，佢地一定要出嚟保護。」
陳百祥：「嗰個係民調，但我唔信呀。」
陳百祥：「我剩係睇毆鬥，點會係打？班人只係得滕條、膠通。」（對於元朗721事件）
陳百祥：「有犯事就要懲罰，你反抗就要捉到你，邊個得閒強 姦你？你唔好抹黑警察喇，佢邊度強 姦你？點會有死人？冚棒唥都冇屍體。」
陳百祥：「中央俾你咁選就咁選，你依家一家要反中國？要叛國？搞壞香港！」
陳百祥：「依家啲科技係蒙住樣都搵到嗰個人！」
留言 17
殺錯狼
陳百祥：「依家啲科技係蒙住樣都搵到嗰個人！」
既然係咁， 立反蒙面法把托啊？
2019年11月05日18:02
kennymok
雖然陳伯講到教育問題和委任証係有點牽強。但整體都尚算ok。。解釋差人暴力。就引用以暴制暴模式。。似有略嫌忽視最近差佬的發洩小動作。。。。亦因為咁而以復仇倒警為當前大任務
2019年11月05日17:57
カール👻鬼👻Karl
我好中意叻哥,我今次撐叻哥
掟汽油彈啊?我睇唔到喎
私了?你地毆鬥姐
裝修?我唔信係示威者
證據?我唔信你啲證據
根本立於不敗之地
2019年11月05日23:03
一般黃絲都係以為大聲一定啱嘅，明曬！
2019年11月05日23:19
Lancy
大陸有好多陳百祥的人，打橫講冇道理，太平盛世吾洗要差佬啦!委任証代表佢地作投訴之用，收埋左预備做壕事
2019年11月05日23:50
顯示全部