噚日，陳展鵬宣佈今年迎娶細佢13年嘅女友單文柔（Phoebe）！二人拍拖以嚟一向低調，但噚晚同今朝就瘋狂公開晒恩愛，不斷喺個人社交網隔空放閃！展鵬同Phoebe好似特登夾埋咁，一連post出幾張新嘅婚照，而且仲留言一唱一和咁回應對方，認真sweet到漏！
撰文：東方新地｜圖片：Instagram、新傳媒圖片庫
41歲陳展鵬 宣布迎娶28歲單文柔
41歲視帝陳展鵬、與28歲落選港姐單文柔去年三月爆出戀情，其後一直都將戀情低調處理，不過昨晚煎Pang宣布拉埋天窗啦！
陳展鵬致各傳媒友好：「各位親愛的傳媒朋友、各位好友，多謝大家一直對我的支持和包容。今日，好高興同大家宣布，我要結婚啦！一路以來，我都全情投入工作，直至Phoebe的出現，讓我們感受到幸福和信任。對於感情方面比較傳統的我，是時候用我最大的努力去建立一個美滿的家。多謝大家的關心，希望得到你們的祝福。」
