10月4日，現已成功轉型為女主播嘅前水着寫真女王真鍋薰，獲委任為「LOVE SAIJO應援大使」，從愛媛縣西条市市長玉井敏久手中接過委任狀之後，真鍋薰喺未來就會擔起支援「LOVE SAIJO」呢個集合西条市愛好者組織嘅任務，以真鍋薰寫真女王嘅魅力令西条市愛好者數目步步高升！
其實真鍋薰正是出生於西条市，佢喺1999年出道拍水着寫真，因為身材高挑加上面孔標致，令佢上位上得相當快，後來真鍋薰逐漸向多方面發展，包括經營自己嘅博客，令佢一度被稱為「博客女王」，拍劇、拍戲以及做主持亦有涉足，此外仲不斷進修增值，考得嘅專業資格包括食品分析師，現時真鍋薰雖然已經38歲，但係由於保養有道，美貌依然魅力迷人，所以做女主播亦相當受歡迎。
至於真鍋薰出生地西条市，或許未必有好多人聽過，這個市位於四國西部的愛媛縣，2004年11月1日，由小松町、丹原町和西条市、東予市合併成為現今嘅西条市，沿海地區與鄰近嘅四國中央市、新居濱市、今治市、松山市，連成中四國地區最大規模工業區，而每年10月中旬，西条市就會上演知名祭典之一嘅西条祭，係一個供奉約150多部花車及神轎嘅豪華祭典！
今年日程已經公布，其中嘉母神社祭禮於今明兩天（10月6日及7日）舉行，石岡神社祭禮於10月14日及15日舉行，伊曾乃神社祭禮於10月15日及16日舉行，而飯積神社祭禮則於10月16日及17日舉行。不知到時有沒有機會遇上真鍋薰呢？