最近有傳深受少女歡迎嘅日本化妝品牌MAJOLICA MAJORCA （MJ）已經決定今年撤出香港，各位粉絲記得把握最後機會掃貨啦！
開架美妝品牌MJ曾經喺2016年獲網友推薦嘅10大人氣化妝品牌之一，喺網絡上獲大量好評，連藥妝店都賣到斷晒貨。
MJ 嘅睫毛液就最受香港女士歡迎，每個季節都有特定主題，之前出過洋娃娃、慾望女伯爵、翱翔夜景嘅公主等主題，夠哂夢幻。而且價錢夠平，出嚟效果又夠高質，拍得上啲大牌子！有人話，搽完立即變大眼。更有美容達人稱MJ嘅睫毛液係偽素顏必備妝物！
不過最近官方確認品牌將於10月底撤出各個專櫃，重點美睫產品就賣到年底。
好多美容達人都話MJ必掃產品一定係佢嘅睫毛液！係時候買多幾枝擺屋企，唔係嘅話，第時可能就要叫台灣、日本朋友掃幾枝番香港／上網買，冇依家咁方便喇！
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
留言 0