陳慧嫻回歸樂壇　向歌迷訴思念

歌手陳慧嫻昨日推出新歌《給親愛的親愛》，談到創作靈感及主題，她謂：「呢首係我加盟新公司英皇娛樂嘅第一首歌，加上我好耐都冇出新歌，所以想藉住呢一首歌同親愛嘅觀眾、親愛嘅粉絲講聲『Hello』。簡單嘅一句『親愛的你好嗎』嘅問候，承載住我對你哋嘅思念同埋祝福。」

而歌曲中最觸動慧嫻的歌詞是「人生如風似煙 領悟人生後 初見面」，她說：「我哋都後生過，嗰時可能會比較自我中心、驕傲、自私少少，但當經歷多咗、大個咗，我哋睇返轉頭，就會覺得後生嘅時候原來係咁幼稚。」又指這句歌詞令人感受到人生的變化無常，或許在真正理解人生本質後，我們才能更珍惜生命中的每一次相遇與離別。另外，她又透露正積極籌備明年40周年紅館演唱會。

東網網站 : https://on.cc/東網Facebook專頁 : https://www.facebook.com/onccnews/