Taipei Marathon 2023 初馬，4:00:53。
今次抽到嘅唔只係馬拉松，而係人生狠狠嘅一課。
成日都聽到「人生總要跑一次馬拉松」，好想試吓究竟呢個係咩感覺？亦想試吓自己個能力去到邊，到時會唔會抽筋同撞牆？因為咁就成為咗我嘅 bucket list ！
本來諗住都係出年嘅事…既然有機會，就算未 ready 都膽粗粗叫自己試吓先！其實 42K 對我嚟講好遙遠，莫講話跑，就算呢個距離我連行都未行過…
比賽一星期前知道台北當日會氣溫急降同落雨，已經好擔心會影響自己嘅表現，但天氣控制唔到，唯有盡力！
上線嗰刻係幾感動嘅，成日幻想嘅事終於實現到！頭10K 好似好快就過咗，時間都係預計之中。跟住去到15K 開始覺得左腳腳腕有啲唔妥（因為一路避開跑中線塞車，一直都係跑住邊位去cut 線，側邊條路唔平，冇諗過咁就出事！）
去到20K 上到橋位，冇遮冇擋，開始愈嚟愈大風同有雨，啲風兜口兜面吹過嚟，吹到個頭都痛埋，隻手凍到僵咗，連gel 都開唔到，跟住因為長期就住隻左腳，連右腳ITB 都開始痛，嗰一刻個人同pacing 開始drop，亦都係成段路最辛苦
曾經有諗過不如棄賽啦，我真係頂唔順！仲有22K 點搞呀？但係一諗返起自己嘅初心同呢幾個月嚟嘅心機…將所有時間放晒落去，天未光走去跑、返工前又跑，一落機覺都唔瞓又跑，香港夏天都唔怕中暑，喺New York 得返幾度都衝出去，就冇理由去放棄！
於是乎再的起心肝繼續去！聽聞30K 後係靠意志，我成日都話意志我一定有，不過冇體能！當時對腳其實痛到已經提唔起，但係叫自己千祈唔可以停，一停落嚟就乜都冇！跟住每一K 都好似生命倒數緊！見到拱門衝過終點嗰一刻反而好平靜，淨係同自己講咗一句我終於完成咗！
返到酒店沉澱咗之後，感恩死唔去！好多謝身邊朋友一路支持，我知道呢幾個月你哋幫咗好多，亦因為咁好責怪自己點解做唔到SUB4？點解跌咗包gel 要返轉頭執？點解要停低食蕉？點解自己咁廢？因為我知道我可以做得更好，對唔住今次要你哋失望！人生總會有遺憾。
Please follow Insports Hub on Facebook & Instagram
https://insports-hub.com/
FB
https://www.facebook.com/insportshub
IG
https://www.instagram.com/insportshub/
留言 0