藝人陳自瑤於無綫新劇《婚後事》首任女一，她直言該劇本相當扎心，單看文字描述已足夠她「喊濕」數盒紙巾，至正式拍攝時，陳自瑤更試過一日內由頭喊到落尾，有時為遷就拍攝場地一日連轉妝三、四次，由廿多歲至接近五十歲的造型均有，絕對是演技、體力及速度大挑戰。
她憶述拍攝時的「苦況」亦忍不住笑言：「返到屋企真係攰到唔識郁，日日係咁喊係咁鬧係咁化妝變裝，唔單止唔夠瞓，忙起上嚟仲可能真係每餐只扒兩、三啖飯就埋位。不過其實幾辛苦都值得，一來個劇本我好鍾意，二來今次係自《缺宅男女》後再同羅子溢合作，大家經驗多咗、又一樣畀個劇本感動到不得了，所以合作起上嚟好有火花，撞到好多嘢出嚟、好好玩。」
東網網站 : https://on.cc/東網Facebook專頁 : https://www.facebook.com/onccnews/