內地女星高圓圓近日獲邀上內地大型美食節目，去咗澳門探訪當地美食同美景，喺主持人帶領下去咗行街市，一頭短髮嘅佢戴住口罩，着上灰綠色洋裝，露出一雙美腿，相當養眼！佢被指派要買海鮮，第一項挑戰就係買螃蟹，佢請求小販說：「幫我們挑兩隻好一點的吧！」之後要求佢同小販講價，最初佢好尷尬話以前就好鍾意講價，但依家做咗藝人就唔好意思講價，最終佢都成功將2隻大螃蟹由130蚊港元減到127蚊，主持人在旁拍手鼓勵佢，雖然只係減得3蚊，但即時惹來網民熱議，留言「姐你也太可愛了吧」、「很美，很接地氣」！
東網網站 : https://on.cc/東網Facebook專頁 : https://www.facebook.com/onccnews/
