何雁詩同老公鄭俊弘於2020年底結婚後,今年6月就誕下仔仔Asher,一家三口幸福美滿。不知不覺Asher已經半歲人仔,近日何雁詩就幫仔仔搞180日宴,仲爆料老公已經想生第二個㖭。
宴會入面,「主人翁」Asher似乎好開心,副副相都擺出精靈鬼馬的表情,何雁詩同鄭俊弘更加對仔仔錫到燶。至於公公婆婆同樣開心到極,其中一合照見到公公抱住孫仔笑到四萬咁口,隔住張相都感受到其喜悅。何雁詩爸爸向來都有「物流大亨」之稱,物流生意在內地主要城市有多間分公司外,近年更擴展到海外。而且更擅於投資,據知現時在香港擁有3個物業,約值超過6,000萬,身家估計至少6億元。
另外何雁詩更用英文留言爆料老公想再造人:「Daddy’s already asked me multiple times when are we getting a next one ,well mommy’s uterus needs a break.(爸爸問咗我好多次幾時生第二個,但媽媽個子宮要休息下。)」