組合農夫於22年前出道,不過自2013年加入無綫之後,陸永權(陸永)和鄭詩君(C君)都主力拍劇及當主持,只在2017年開過演唱會,上年亦曾公佈今年3月會出新歌。而最新消息就是二人在社交平台公佈已經簽約大陸的娛樂公司重新做音樂,不過就消息就未有在IG、facebook公佈。
農夫早前在社交平台出文:「好耐冇見既老友,我們回來了!從來冇見過嘅朋友,我們前來了!無論新朋定舊友,出來認識還是聚舊我地會好快見面!」而IG及facebook則未有動靜,有網民就去到農夫IG留言,對他們簽約大陸公司表示失望,以農夫舊歌〈返老還童〉歌詞回應:「你冇做到個壞人,但係做咗你細個最唔想成爲嘅嗰種大人。」