佘詩曼（阿佘）今天（28日）48歲生日，昨天為新劇《新聞女王》開工時獲李施嬅、高海寧、王敏奕、何廣沛、林正峰及監製鍾澍佳等台前幕後送上驚喜。正當阿佘以為劇組如常放晚飯時，眾人突然推出3個大蛋糕、2束鮮花及巨型生日卡，又合唱生日歌，令她十分感動。李施嬅訂了阿佘喜歡的泰國菜，高海寧就負責安排生日蛋糕。李施嬅說︰「聽她講過鍾意食泰菜，特別柚子沙律，所以一早Check晒佢啲通告，知佢今日開廠，就夾定今日放飯時安排送上泰國菜。」
阿佘興奮地說：「施嬅好記性，好sweet！高Ling今朝收工仲係咁同我講拜拜，原來大家交戲，我真係好開心，因為我哋喺呢個Office廠景差不多拍咗一個月，大家好熟好熟，相處好似一家人，拍得好開心。真心多謝大家送畀我呢個生日Party。」談到生日月要工作中度過，她說︰「咁樣有另一種開心，好有力量咁！剛才我吹蠟燭前許願，願望梗係關於我哋《新聞女王》團隊。生日首要『自然醒』，之後至諗慶祝安排。」
（即時娛樂）
