吳尊舉家移居上海落地一周遇封城　送香蕉鼓勵醫護任影唔嬲

前飛輪海成員吳尊拍完內地親子綜藝節目《爸爸去哪兒》後近年人氣急升，今年初高調宣布一家四口搬到內地定居，過完年返汶萊收拾細軟後，早前已帶齊23箱行李舉家飛抵上海。可惜吳尊21日剛剛落地，都未有時間展開新生活，一星期後上海就宣布封城。

有內地網民近日上載吳尊帶大女NeiNei和細仔Max在社區做核酸檢測的合照，大讚對方親切口善良兼有積極主動配合防疫，大方與當地醫護合照之外，又主動送上香蕉鼓勵檢測人員，相當識做。

汶萊出生的吳尊因為靚仔又大隻，加上家境富貴，出道以來一直有「汶萊王子」之稱，近年在內地爆紅之後開始注重尋根，不只強調自己的祖籍是安徽，又指會放棄安排一對仔女到澳洲升學的計劃，改為到內地讀書感受中國文化。