港台遊戲數「歌唱組合」觀眾狂講蔬菜名 忍笑主持鄧添樂：估唔到咁大迴響

昨日（4月14日）網上流傳一段港台節目《香江暖流》中「極速15秒」環節的片段，家庭觀眾可以致電接受挑戰，勝出的話可以獲得超市現金劵。主持鄧添樂要求電話中的觀眾在15秒內說出最多「歌唱組合」的名稱，林婆婆疑似聽到「蔬菜組合名稱」，不停問「係咪菜呀？菜呀？」，鄧添樂重複問題時，林婆婆已經開始說出不同的菜名「生菜、白菜、芥菜、西洋菜……」。

主持鄧添樂努力忍笑，咬緊咀唇再提醒林婆婆「唔係菜呀！」但林婆婆繼續說出不同菜類的名字，鄧添樂最後繼續忍笑打圓場，表示「唔緊要」、「志在參與」。前TVB新聞主播梁凱寧亦在IG上載短片，寫道：「笑到標眼水，婆婆so cute」。

鄧添樂昨晚在社交平台出文：「估唔到咁大迴響，多謝大家咁愛錫林婆婆😂 雖敗猶榮，賺哂（晒）大家嘅笑聲呀😂其實每次玩遊戲，老友記都好緊張，試過問男藝人名稱，會口快快講錯汪明荃😂 問女藝人名稱，然後講咗鄭少秋🤪但每位都會嘗試到最後，好值得大家鼓勵😉想同公公婆婆玩遊戲，無任歡迎呀！唔好睇小佢哋呀😌 嬴（贏）咗有超市現金禮券，仲可以買🥦食，夠哂高纖😌 #生菜白菜芥菜西洋菜茼蒿菜菜心生菜 #唔係菜呀 🥹 #港台電視31 #香江暖流 #極速15秒」

View this post on Instagram

A post shared by Lok Tang (@im6tang)

「蔬菜組合」一夜間成為網上討論熱話，而一向以抽水聞名的IKEA亦火速出post，貼出脫水器圖片，標題寫上「任何蔬菜組合都啱用」，介紹道：「菜心、白菜、芥菜、茼蒿、山菜、唐生菜⋯無論你聽啱定聽菜都好，乜菜我都洗得！