校花「泰妹」THAIMAY進軍樂壇！成試當真音樂廠牌首位新人

21歲「泰妹」THAIMAY（楊雅文）是試當真舉辦的「校花校草2022」季軍，今年正式加盟試當真旗下音樂廠牌Demo Records，成為公司首位力棒樂壇新人。

THAIMAY母親是泰國人，父親是香港人，興趣是舞獅和競技啦啦隊。去年底在Dear Jane《到底發生過什麼事》MV中飾演年輕版鄧麗欣，甜美外型加上真摯演繹而備受注目。

THAIMAY首支單曲〈獅吼功〉今日（5月2日）在各大音樂串流平台上架，歌曲請來韓國創作人Samuel Ku作曲、鍾說（鍾雪瑩）填詞。另外，更獲日本寫真事務所聘用、著名香港攝影師兼導演Miss Bean執導MV，還有《全民造星III》的Timo擔任排舞老師，為THAIMAY打響頭炮。

〈獅吼功〉靈感來自THAIMAY精通的的競技啦啦隊翻騰動作，透過新歌表達自己過去一年涉足演藝圈的急速轉變，她說：「娛樂圈比起自己認知嘅世界更廣闊同複雜，成日好驚自己講錯嘢、搞壞個形象。我知道公司同大家對我嘅期望，所以好努力學習做藝人。」

THAIMAY早前為新歌拍攝MV，不僅於30多度高溫下在草地上跳唱兼做出高難度空翻動作，更走訪不同場景而拍通宵，她要出動按摩槍舒緩疲勞：「佢哋以為我做咩係咁䟴腳，其實我係肌肉酸痛，同埋嗰日真係超熱，又要狂跳舞成個人不停出汗，最後用埋無比滴搽喺隔肋底，即刻爽晒。」

原來THAIMAY為拍MV，緊張到拍攝當日爆壓力瘡：「話晒人生第一個正式MV，我真係好好好緊張，但係又好開心喎，因為我搵咗平日一齊跳啦啦隊班隊員，有佢哋喺度，我放鬆好多，仲要多謝成個團隊，個個都對我好好，辛苦晒大家。」首次進軍樂壇的THAIMAY定下目標，將會繼續貫徹獅隊精神，無論打空翻定撞板都決心企穩，為世界帶來更多刺激。