粵劇名伶吳美英、王超群及鄭詠梅等晚上（7日）出席第3屆『香港粵劇金紫荊獎遴選及頒獎禮』啟動禮暨新春晚宴。有份擔任評審的吳美英表示自己身為粵劇界一分子，希望出一分力回饋業界：「希望令多啲人接觸粵劇，培育多啲年輕新一代，等粵劇可以薪火相傳，依家都好多家長想佢哋嘅子女學習中國藝術。」身為八和會館總監之一的她，不時協助新人排練演出：「我哋本身有6位總監，家英哥（羅家英）係第7位。」她笑言若遇到幾位總監有事忙，會由家英哥當替工。
談到八和主席汪明荃有意退下來，問到吳美英有否興趣接替主席位置？她謙稱自己未夠資格：「Liza姐（汪明荃）喺八和真係做得相當好，有知名度同交遊廣闊，好多人認識佢，可以推廣粵劇，我哋依家懇求佢，希望佢再接再厲再做落去，呢個位唔易做，八和好多耆英，資深嘅演員退落嚟後生活未必好，都需要主席協助佢哋嘅晚年過得舒服。（妳點樣打動阿姐？）我只可以盡力，她好熱心，希望用多啲說話感動佢，她做咗咁多年，不會捨得放底我哋嘅，未有接班人就要繼續做落去。」
東網網站 : https://on.cc/東網Facebook專頁 : https://www.facebook.com/onccnews/
留言 0