效力巴塞隆拿嘅西班牙🇪🇸左閘佐迪艾巴接受訪問表示「我好希望美斯返嚟巴塞隆拿，但我唔知道佢會唔會返嚟，而我哋未傾過呢個話題，再加上美斯返嚟對球會同佢自己都有好處。我知道美斯係PSG過得幾開心，第一年對美斯嚟講過得唔係咁好，美斯比較難適應法國生活，但我同美斯傾過，佢今年情況好返好多☺️。」
艾巴之後被問到美斯離開巴塞嘅感受，艾巴表示「當巴塞宣布美斯離開球隊嗰陣，我同老婆一齊睇新聞，我當時唔敢相信，仲要呆咗兩分鐘，因為我無辦法相信美斯會離開巴塞🥲。」
呢位西班牙🇪🇸左閘仲話「我唔知道點解美斯唔可以留低，而我相信大家都有好多問題，但係我都無答案。我知道美斯離開巴塞嗰陣好唔開心，我哋之後再無傾過呢個話題。我知道美斯係巴塞有咗自己嘅小朋友、老婆、屋企人同朋友，我哋仲要因為美斯贏咗好多獎盃😢。」
▼ Follow Football.jai 足球仔
Facebook: https://www.facebook.com/football.jai
Instagram: https://www.instagram.com/football.jai/