同事做臨記搞笑拉票　阮浩棕頒獎禮叫雙飛

無綫熱播劇《異空感應》劇情愈趨緊湊，隨着阮浩棕的角色「Duncan」逐漸黑化，網民討論度愈高，浩棕表示：「網民話我黑化，我冇黑化呀！係病發，有分別㗎！其實仲有好多伏筆，有興趣追劇就要細心發掘，特別之前一啲好細微嘅伏筆。我見到有網民就好認真寫埋分析出嚟，證明睇得好仔細，好開心，可以同觀眾互動。」

另外，早前他為《萬千星輝頒獎典禮2024》拉票，拍了一條搞笑片，片中他在電視城的巴士站拍攝排隊人龍，指人龍是排隊投票，講笑有人支持投了他一票，表現自high。今年憑此劇角逐「最佳男配角」及「飛躍進步男藝員」的他表示：「同事想我拍條片，突然諗不如拍排隊人龍當投票人龍，其他同事喺不知情下被拍入鏡，哈哈！我覺得有獎當然好，但無獎都唔會影響我對工作嘅熱誠，只令我更加想參加呢個盛會，今次競爭好激烈，會保持平常心面對。」

東網網站 : https://on.cc/東網Facebook專頁 : https://www.facebook.com/onccnews/