蔡思貝遇難得一見大暴雨　河溪水位上漲慘被困

視后蔡思貝早前於主持的無綫綜藝節目《與天地對話》中罕談與家人相處，自認從小個性孤僻，其間更講到一度眼濕濕，相當感人。思貝日前在社交網晒出於索科特拉島拍外景時的留影，寫道：「話說，呢一頂帽係我媽咪臨出發之前同我講話一定要拎返嚟，因為佢好鍾意，想戴。」

她指當地一年可能只有三天下雨，但偏偏就在她們拍攝當日遇上狂風暴雨，更差點因河溪水位上漲而被困一晚，認真驚險，她續説：「呢個位置係要行一個鐘頭山路先可以去到有車嘅地方，理所當然，返到酒店要晾起頂帽將佢吹乾，點知唯一一樣我媽咪要嘅嘢，返香港嗰日，留低咗，媽咪知道後一句 "oh”+扁嘴，我錯了。」如此慘情，粉絲們見狀都紛紛送上安慰，留言：「可能頂帽就係帶走你唔好嘅野，令你留住同帽嘅一齊相處時光」、「曾經同你出生入死留低美好回憶，都算唔話得」、「我都覺得頂帽好靚，你戴得好好睇」。

東網網站 : https://on.cc/東網Facebook專頁 : https://www.facebook.com/onccnews/